Wednesday, April 22, 2009

నటరాజు ఆడేనొహో!

నటరాజు ఆడేనొహో!











నటరాజు నాట్యములు ఆడేనొహో! 
(అనుపల్లవి) 

ధిమ్ ధిమ్ ధిమితక 
ధిమి ధిమీధిమిం అనుచు // 

గంధర్వులు పాడగా 
కిన్నెరలు వీణలను మీటగా 
ప్రమధ గణములు 
ఢమరు ధ్వానములు ఎగయగా //ధిమ్్ // 

నెల వంక తొంగి వీక్షించగా 
అల గంగ ఉప్పొంగి పొరలగా 
చెలి హైమ మురిసి పులకించగా 
ఇల సస్య ధాన్యాభరణముల వెలయగా //ధిమి// 


కైలాస గిరియే కదలెను 
తమసు దిక్కులలోన చెదరెను 
ప్రణవ నాదమ్ములే మ్రోగెను 
నాట్య ప్రభాతమై ప్రకృతియె తనరగా //ధిమి// 

Views (70) |

No comments:

Post a Comment