టిక్ టిక్ టిక్ కోలాటం

మోదముల సందడి, నిత్య సందడి ;
సందడితో త్రుళ్ళింతల నందనవనము,  
బృందావనము ; శ్రీ బృందావనము ; ||
;
మల్లె, పొగడ, చేమంతీ విరుల భాష "సౌగంధం" : 
సుగంధముల బృందావని ; భువికి రాజ పతకము ;  ||
;
గోప వనితల చేత ; దండలు, పువుల దండలు ;
దండలతో పాటుగా కోల కర్రలు ;
దండములు; వెదురు దండములు ;
టిక్ టిక్ టిక్ ; టిక్కు టిక్కు టిక్కు ;  ||
;
కోలాటపు కర్రలను అందుకొనెను రాధిక ఆను;
కళలకు కాణాచి తాను; కోమలత్వ పెన్నిధి ;

క్రీడా దండమ్ముల వడివడి సవ్వడి ;
టిక్ టిక్ టిక్ ; టిక్కు టిక్కు టిక్కు ;  ||
;
కోలాటపు కర్రలను అందుకున్నది రాధ ;
టిక్ టిక్ టిక్ - టిక్కు టక్కు టిక్కు టుక్కు టెక్కు  ;
వాసంత  ఋతువు - అందుకునెను ఆహ్వానము!
ఆహ్లాదపు ఆహ్వానము! హర్ష ఆహ్వానములు ; ||