వ్యత్యస్త చిత్రములు

మురిపెముల క్రిష్ణుడు

వ్యత్యస్త చిత్ర చిత్రములను రాసినాడు క్రిష్ణుడు
చిన్ని క్రిష్ణుడు, మన చిన్నారి క్రిష్ణుడు  ||

పాలలోన దోసిళ్ళను తిప్పి తిప్పి-
తేలాడే మీగడలను అరచేతను పట్టినాడు
చిన్ని క్రిష్ణుడు, మన చిన్నారి క్రిష్ణుడు ||

పెరుగులనూ జున్నులనూ- పిడికిళ్ళతొ జవిరి పట్టి,
మురిపెముగా మేనెల్లా పూసుకున్నాడు చూడు!
చిన్ని క్రిష్ణుడు, మన చిన్నారి క్రిష్ణుడు||

తరిపి పాల జున్ను గడ్డలన్ని;
మూతి మోము అంతటా తురుముకున్న వైనాలు;
పాల కడలి  తేలాడెను నీలి నింగి పైన నేడు;

||వ్యత్యస్త చిత్ర చిత్రములను రాసినాడు క్రిష్ణుడు
    చిన్ని క్రిష్ణుడు, మన చిన్నారి క్రిష్ణుడు  ||

&&&&&&&&&&&&&&&&&&&&

vyatyasta chitra chitramulanu raasinaaDu krishNuDu
chinni krishNuDu mana chinnaari krishNuDu       ||


paalalOna dOsiLLanu tippi tippi-
tElaaDE mIgaDalanu arachEtanu paTTinaaDu;
chinni krishNuDu mana chinnaari krishNuDu ||

perugulanuu junnulanuu- piDikiLLato javiri paTTi,
muripemugaa mEnellaa pUsukunnaaDu chUDu!
chinni krishNuDu chinnaari krishNuDu  ||vya||