అవలీలగ అన్నన్ని లీలలు

భళి భళీ భళి భళీ ;
ఈ వ్రేపల్లెనందు నీ మేటి లీలలు ; భళి భళీ ;
ఎన్నైన ఎన్నైన వర్ణించుకొన - 
చాలునా యుగములు ;
వనమాలి, చాలునా కల్పములు ;  ||
;
కూర్మావతారమున నాడు మందర గిరిని ; 
పాల - కడలిలోన నీ మూపు పయిన ;
పదిలంగ నిలిపావు; 
కొనగోటి పయిన గోవర్ధనమ్మిది;
కూర్మావతారుడా, నీకేమి లెక్కా  ;  ||
;
క్షీరాబ్ధి శయనించి - ఎల్ల లోకమ్ములను ;
చల్లగా బ్రోచేటి చిద్విలాస స్వామి! ;
అల్లరుల క్రిష్ణయ్యగ నీకిపుడు 
ఉట్టి మీద పాలు ఎంత గనుక,
ఒక్క గుక్క, అంతే కదా ;  ||
;
శేషతల్పమునందు సుఖముగా శయనాలు ; 
కాళిందిలోన పెను పాము మర్దనము ; 
ఫణముల నాట్యాలు ఆడుతూ 
కాళీయు నణచుట, అది ఎంత ఒక లీల ;
నీకింక చిటికెలో అవలీల ;  || 
;
=======================; ;
;
bhaLi bhaLI bhaLi bhaLI ;
ee wrEpallenamdu ; 
mETi needu leelalu ; 
ennaina ennaina warNimcukona ;
needu - leelalennennaina ;
caalunaa yugamulu,
wanamaal, caalunaa  kalpamulu ;  ||
;
kuurmaawataaramuna naaDu ;
mamdara girini ;
padilamga nilipaawu; 
konagOTi payina gOwardhanammidi ;
kuurmaawataaruDA, neekEmi lekkaa ;  ||
;
ksheeraabdhi Sayanimci - ella lOkammullnu ; 
callagaa brOcETi cidwilaasa swaami ;
allarula krishNaga neekipuDu ;
uTTi meeda paalu emta ganuka,
okka gukka, amtE kada ;  ||  
;
SEshatalpamunamdu sukhamugaa Sayanaalu ; 
kALimdilOna penu paamu mardanamu ; 
phaNamula nATyAlu ADutU ;  
kaaLIyu naNacuTa, adi emta oka leela ;
neekimka ciTikelO awaleela ;  ||