ప్రశ్నలు వేయరే!

రాధ ఒంటరిదంటు పంచభూతములార! 

అంచెలంచెల మీద ; 

తుంటరి గోవింద గోపాల క్రిష్ణునికి ఇపుడు ; 

             రయ రయమున తెలుపరే!!

               గోముగా ; సత్వరము తెలుపరే! :   || 

;

రాధా వేణీ మేఘమాలికలు ; 

నీలమేఘ వినీలశ్యాముని ; 

స్పర్శకు అయినా నోచ లేదనీ ; 

హేళన ఎందులకే? 

   ఓ పూర్ణిమావరణ రజనీకాంతా!? : 

       అవహేళన ఎందులకే? :   ||  

;

రాధిక మువ్వల రవళికి తోడుగ ; 

తన మురళీరవము లేదేమంటూ ; 

అడగండే, ఆ వేణువినోదుని ; 

ఓ కువలయ వలయ తోయములార! :   || 

;

"రాధిక కరముల కౌగిలి చెరసాల 

ఇపుడు , 

శూన్యముగాను ఉన్నదేమ"నీ -  

అడగండే నిలదీసి గట్టిగా ; ||

తెలుపండే ఆ కుంజవిహారికి ; 

ఓ లతా నికుంజ కింజల్కములార! :   ||  

;

=================================,

;

         praSnalu wEyarE! ;- 

;

raadha omTaridamTu pamchaBUtamulAra! 

amchelamchela meeda ; 

tumTri gOwimda gOpaala krishNuniki ipuDu ; 

    raya rayamuna  teluparE! : 

      gOmugaa satwaramu teluparE! :   || 

;

raadhaa wENI mEGamaalikalu ; 

neelamEGa wineelaSyAmuni ; 

sparSaku ayinA nOcha 

lEdanii ; 

hELana emdulakE? 

O pUrNimAwaraNa rajanIkAmtaa!? ;

awahELana emdulakE? :   || 

;

raadhika muwwala rawaLiki tODuga ; 

tana muraLIrawamu lEdEmamTU ; 

aDagamDE, aa wENuwinOduni ; 

O kuwalaya walaya tOyamulaara! :   || 

;

raadhika karamulakaugili cherasaala 

ipuDu ; 

SUnyamugaanu unnadEmanii -  

aDagamDE niladeesi gaTTigaa ; 

telupamDE aa kumjawihaariki ; 

O lataa nikumja kimjalkamulaara! :   || 

- [  పాట 71 ; బుక్ పేజీ 76  ;  శ్రీకృష్ణగీతాలు  ] ;