తారల మిలమిల కాంతులు

తారల మిలమిల కాంతులు వచ్చి

దొరతో జగడము విన్నవించును

ఎట్లాగమ్మా చిక్కుల ముళ్ళను

విప్పేదెట్లా ? చెప్పమ్మా! ||దొరతో ||

రమణుని ఉరమున సుమ హారముల

మరంద రాసులు కుప్పలు కుప్పలు

పుప్పొడి రజనుల తళతళలు

ఒప్పుల కుప్పలు ఆడుచుండగా

పోటీ మాకివి భువి నక్షత్రములని || దొరతో ||

కోమలి పద్మ పాపిటి బిళ్ళల

మణుల ప్రభలు గుట్టలు గుట్టలు

జిగేల్ కన్నుల మిరు మిట్లు

ధరణికి చుక్కల అరణముగా

ఎవరిచ్చారని మిణుకుల తారలు || దొరతో ||

&&&&&&&&&&&&&&&&&&&&&&&&&&

&&&&&&&&&&&&&

Kovela ( Temple ) ;

తారల మిలమిల కాంతులు ; ( Twinkle stars ) ;

By - kadambari piduri, Mar 21 2010 10:59PM