నదుల హారాలు

మెరుపుల రెక్కలు కట్టి

మబ్బుల గుర్రాలొచ్చెను

చినుకుల బాలల్లారా!

చక చక ఇటు విచ్చేసి

సవ్వారీ చేయండి! ||

ఎండీ బీటలు వారిన

నెగుడుల, పగుళ్ళ నేలల

చిత్తడి ఒండ్రు మట్టి +

చెంగుల ఒత్తౌ మెత్తటి

పొత్తిళ్ళై మిమ్ములను

ఇంచక్కా పొదువు కొనును ||

చినుకు, చినుకూ చేరి

చిట్టి మడుగుల చేసి

ఏటి తరగల చెరిగి

వాగు వంకలు ఆయి

నదుల హారాలెన్నొ

ధరణికి సింగారాలు ||

Baala

నదుల హారాలు ;

By kadambari piduri,

Jul 4 2010 11:06PM