ప్రశ్నార్ధకము

ప్రశ్నార్ధకము :::::

'''''''''

ఈ ప్రశ్నార్ధకమేమిటి?

ఎప్పుడూ జీవితపు లోతు పాతుల్ని 

చిలుకుతూనే ఉంటుంది!?!;

ఆనందపు అవధుల్ని

కొలుస్తూనే ఉంటుంది;

చిరు నవ్వుకూ,

చిరు కోపానికీ మధ్యన ఉన్న

'సరి హద్దు అంతరపు 'మందంపై

తను సారించిన దృక్కులను

అలాగే నిలిపి ఉంచుతుంది;

ఆలోచనకు నాందియై

అన్వేషణకు ఆనవాలు ఐ

పరిశోధనకు ప్రాణమై

'రేపటి ప్రగతి 'కి

ఆస్తరణమై వెలుస్తుంది.

ఏవిషయాన్ని గానీ,

దేనినైనా గానీ

స్థిమితంగా నిలవ నీయదు

అదేమి చిత్రమో గానీ

తాను మాత్రం

"ప్రతి ఆలోచన కొసలోనూ

స్థిరంగా.....

సుస్థిరంగా పీఠం వేసుకుని ,

బైఠాయించి మరీ కూర్చుంటుంది.

'''''''