Thursday, April 23, 2009

హృది సప్తగిరి


హృది సప్తగిరి 

శ్రీ ఆదిశేష వలయాలు 
శ్రీ కారము చుట్టలాయె! 

( అను పల్లవి); 
పాల కడలి తెలి నురుగులు 
ప్రారంభ శుభద పద్యమ్ములాయేను 
శ్రీ వేంకటేశ్వర స్వామి,
కొలువైన ప్రతి హృది 
స్వర్ణ మయపు సప్త గిరి // 

1) నింపాదిగ ఎగిరి వచ్చు 
గరుత్మంతు పక్షమ్ముల 
వాలు ఈకలందు దూరె 
ప్రభా కిరణ చంద్రికలు 

ఇందున, ఇందిందున 
"సూర్య కిరణ " చమత్కృతులు 

ఇందే,ఇందిందే 
"ఇందు కాంతి" యతి, ప్రాసల 
శుభ శీతల చందనములు // 

2)మలయ పవన వీచికల 
సుతి మెత్తని ప్రతి కదలిక 
"ఇతి హాస కావ్య సంరంభము" 

అలర్మేలు మంగ పతి! స్వామీ! 
నీ అనుగ్రహ మది ఏమది? (*!) 
నా "మది మందిర ప్రబంధ"మిది, మీది! ( *2 ) 

ఇందిరా మనో హర! 
అందుకొనుమా "ప్రణతులను". (*3) // 

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; 

*1)అనుగ్రహము, అది ఏమది!= చాలా గొప్ప ఆదరణము. 
నీ అనుగ్రహము ఉన్న 'మది'యే కదా,నిజమైన మది.* 

*2) ఈ మది 'పూజా మందిరము'./ 
మది ప్రబంధ బంధురమైనది./
 మంగమ్మకూ, నీకే ఈ హృదయ కావ్యము అంకితము. 

*3) అందుకొనుమోయీ!మా నమస్సులు / 
అందుకో! మా యొక్క ప్రణతులు. 

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
Views (111) |

No comments:

Post a Comment