మధురాపురి - ఇటు రేపల్లె

క్రిష్ణయ్య చేరాడు మధురాపురికి ; 
వ్రేపల్లియ చిన్నబోయె - 
తన నీడను విడచి - 
ఇంతేనా క్రిష్ణయ్యా!?;
నీదు సాన్నిహిత్యం ; 
మరీచికల మైత్రియేనా!? ;  || 
;
సుదామాది మిత్రుల 
అశ్రుధారలందున ; 
నగరి బాట అంతటా ; 
ఎండమావి నిలిచెనే ; 
ఇంతేనా క్రిష్ణయ్యా!? 
మరీచికల మైత్రియేన ;
నీదు సాన్నిహిత్యం ;
మరీచికల మైత్రియేనా!? ;  ||
;
నిన్న మొన్నటి దాకా ; 
పల్లె జానపదాలను ; 
మురిపించినావు కదా,  
నీదు ఆట పాటలతో ;
మురిపించినావు కదా, 
;
నగరి మత్తు కమ్మినదా!?
సిరి భోగము లుప్పతిల్లు 
'పురి మైకం' క్రమ్మినదా ; 
ఇటుకేసి ఒక్క సారి
పరికించి, చెప్పవోయి!?  ||