Tuesday, April 19, 2011

చిలకమ్మ సంఖ్యల జోస్యము















;;;;;;;

ఒక్కొక్క వక్క;
తమల పాకులలోన;
రవ్వంత సున్నం 
నోటి పంటలంట!
'రెండు' బాదం పప్పులు 
అడిగింది ఉడత;
'మూడు' జాం(మ)కాయలు 
కొసరింది చిలక;

“నాలుగు రూకలు రానీ!
మెండుగ పెడతా తిండి”
అన్నాడు యజమాని,
చిలక జోస్యుడు అతడు;

“'ఐదు' దారలు 
  పంచదార, చక్కెరలు
'ఆరు'బయట ఆటలు, 
   'ఏడు' రాత్రుల కథలు;
'ఎనిమిది' అష్టా చమ్మ; 
   'తొమ్మిది' నవ రాత్రులు; 
'దశమీ' నాటికి మనకు 
   దశ తిరుగుతుందిలే! 
మనకు పట్టిందల్లా పసిడి – 
 ఔతుందిలే సామీ!”
- అని శుకము పదముల్లు! 
రా చిలక పలుకుల్లు
  తేనెల ఉరవళ్ళు;

అందరు వచ్చేసారు,
చేతులు చూపించారు;

“జోస్యం మాటేదైనా,
  నీ మధువుల మాటలు
 లక్షల వరహాలు, 
      కోటి దీనారాలు!
అందుకె మేం వచ్చాము;
కీర వాణి, చిలకమ్మా!”
 -  అన్నారు అందరూ,

ముచ్చట్ల చప్పట్లు 
   రా చిలకకు బహుమతులు ; 
కురిపించే మురిపాలు 
  కిళి!కిళి! కిళి! కానుకలు !!!!!!

&&&&&&&&&&&&&&

(In this poem The Noumbers :- 

 One, Two, Three, Four, Five 
   Six, Seven, Eight, Nine, Ten, 
       Lakh, Crore) 

By: jabilli Category: 
పాటలురచన ; కాదంబరీ పిదూరి

{Palm reading,

Sozhi Josiyam,

Naadi Josiyam et al

Kili Josiyam

chilakamma saMKyala jOsyamu

Etcetra are in India, very popular.}

No comments:

Post a Comment