సందేహాలు

ఆలించ వోయి వేంకటేశ!

అతివ అలివేల్మంగకు

సందియములు వేల వేలు

తీర్చు - సందర్భమిదియె!

నిలు నిలువో, నిలువుమోయి! - 2 ||

ఇందు ముఖితొ సుందరమౌ

మేటి - చతురు లాడుటలో,

స్వామి! నీకు నీవె సాటి! ||

వనజ పాణి పద్మావతి

వేలి స్వర్ణ ఉంగరాల

మెరయు రవలు, మణులు,

నవ - రత్న,మాణిక్యములు ||

అంగుళీయకము లిటుల

మర - కతములై తోచగా

అచ్చెరువుల తరళాక్షుల

విపుల చర్చలు ||

శ్యామ లాంగ మాధవుని

చిత్ర రూపు వన్నియల

ప్రతిఫలనములు భాసిల్లిన

మేల్మి- సంఘటనల

గుచ్ఛములే గుబాళింపులే ! ||

&&&&&&&&&&&&&&&&&

Kovela

సందేహాలు

By kadambari piduri, Dec 5 2009 12:04PM

రుసుములు

ఓరగ తలుపులు తెరచు ఉంచినది

తరుణీ మణి అలి వేలు మంగమ ||

తన- ముఖ పద్మమునకు

ఓరగ ఉంచీ, పద్మ హస్తము

అర నవ్వులు పెదవుల చిందించినది ||

సిగ్గుల మొగ్గ సుదతీ రత్నము

కాటుక తీర్చిన కను రెప్పలను

ఓరగ మూసిన హొయలులొహో! ||

సతి పద్మావతి నళిన నేత్రముల

ఓర చూపులు కురిసినవి

గడసరి వేంకట నాథునికీ

దక్కినవమ్మా గొప్ప రుసుములు ||

&&&&&&&&&&&&&&&&&&&&&&&&&

Kovela

రుసుములు

[ God sri venkateswara swami gain

Wife padmavath's sweet smiles

as the TAXES ]

By kadambari piduri, Dec 28 2009 10:42AM

వెలుగుల బంగారు సోనలు

అఖిల జగన్మోహనా! భక్త పరాధీనా !

రుక్మిణీ లోలా! శ్రీ వేణు గాన లోలా! ||

ప్రణవ నాద రూపా!

ప్రణయ రాగ దీపా!

భక్త జనుల మది గదిలో

వెలుతురుల సోనా! ||

ఆశ్రిత జన పరితోషా!

గిరిధర గోపాలా!

భువన మమరె- నీ ఇల్లుగ

అరుదెంచు మిటకు, గరుడ వాహనా! ||

&&&&&&&&&&&&&&&&&&&&&&

Kovela

వెలుగుల బంగారు సోనలు

By kadambari piduri, Dec 24 2009 6:29AM

నగవుల నగలు -

అలర్మేలు మంగమ్మ చెవిలో ఊదిరి

చిలిపి తనమ్ముల చెలియలు,ఓహోహోహో!! ||

బారువ నవ్వులు - రమణీ మణి

తన, పెదవుల తులలో - తుల తూచి ఉంచినది ||

ఇరవై మణుగుల - బరువుల నగవులు

"తూగునొ? లేదో?" అని -

సందియ మెంతో గోవిందునకు!

అహహా! ఆహా! మన గోవిందునకు ||

"తులసీ దళమే చాలునమ్మ !

తిరుమల పతిని - ఆనందింప చేసేటందుకు!"

అనుచూ పద్మకు ఇష్ట సఖియలు

చిన్ని రహస్యము చెవిలో నుడివిరి! ||!

&&&&&&&&&&&&&&&&&&&&&&&&&

Kovela

నగవుల నగలు - తరాజులో తూకము

[ How much Weight of her smiles ' ???!!!

Can make - A new Wieghing Instrument ( = TULA )

to know the Bharam / weight ! ]

By kadambari piduri, Dec 5 2009 5:36AM

కొమ్మలు

టకటం, టకటం , టక టక టం

టక్ టక్ , టిక్ టిక్ టక టిక్ టిక్ ........

కోలాటముల ఆటలతో

కోలాహలములు, ఓ సఖియా! ||

నిన్నటి దాకా వట పత్ర శాయివి ,

ఇవి - నేటికి పెరిగెను ఇన్ని నటనలుగ,

నాట్య వల్లరుల అల్లరల్ల్లలుగా ,

సిరి ! సిరి ! శేష శాయీ! క్రిష్ణా! ||

చురుక్కు చురుక్కు చింత బరికలతో

ఆల మందలను అదిలించేవు;

వెదురు గొట్టముల మలచి వేణులుగ

మధు రాగాలను బెత్తాయిస్తువు ||

మొద్దుల మద్దులు గంధర్వులుగా

మారుట లోకములందున చోద్యము !

కొయ్యలు, బెండ్లుకు చైతన్యమ్ములు

నీ చేతి - మహిమల కతముననే. కన్నా! ||

&&&&&&&&&&&&&&&&&&&&&&&&&

Kovela

కొమ్మలు

[ Krishna and people

play and DANCE of Sticks - kolatam / bhangra ]

By kadambari piduri, Dec 18 2009 7:19AM

సాంత్వన

శ్యామ సుందరాంగా!

శరణు జొచ్చినారము;;

నీ - ప్రేమ మందిరము కదా,

భక్త హృదయ పద్మము ||

శరణు! శరణు! శరణ నుచూ

ఎలుగెత్తుచున్నపలుకులు

అనయము అవి మావి!

అరణము నీ అనునయము

ఆ ఆస్థి అంత మాది ! ||

గోవింద! గోవిందా! - అనుచు

సాగు మా పరుగులు

అదె కొండల కోవెల

మా అడుగు జాడ మెరుపు చెండ్లు

గమ్యము అదె తిరుమల ! ||

&&&&&&&&&&&&&&&&&&&&&

Kovela

సాంత్వన

( Great relief , happy

pious people )

By kadambari piduri, Dec 24 2009 7:10AM

చూపులే కళ్యాణ తిలకాలు

కొన చూపుల- కడు వేడుక

సుతి మెత్తగా – సతతము అల్లితివి

అతివరో! ఈ మేల్మి పఱదాలు ఎవరికే? ||

1.అటు వేపు శ్రీ దేవి – ఇటు పద్మావతి

అటు ఇటు – ఇటునటు - నటనాల దృక్కులు

మలయ, మారుతపు యవనికల - కళ్యాణ తిలకముగ

చిత్రముగ వెలసేను !?!-విచిత్రమిది ,కను గొనగ

పరాకు చిత్తగించి - చిత్రాంగి! బహు పరాక్! - ||

2. మోమోటముల గెంతు కొన్ని చూపుల్లు

తటపటాయింపుల కొన్ని వీక్షణములు

శ్రీ నాథుని చిలిపి నటనాల చూపుల్లు

నీ క్రీ గంటి చూపుల – అపరంజి పరదాలు

వేయుమా ! అతివరో! – నీదు హృదయేశునకు ||

&&&&&&&&&&&&&&&&&&&&&&&

Kovela

చూపులే కళ్యాణ తిలకాలు

( Radha's sweet looks at krishna bhagavan

are like" bride's sindhur " )

By kadambari piduri, Dec 27 2009 6:05AM

ఎటువంటి జాణవే! తోయజాక్షిరో !

ఎటువంటి జాణవే! తోయజాక్షిరో!

ఇటు వేంకట రమణుని – తిప్పలు - అన్ని ఇన్ని కావమ్మా! ||

కటువుగాను వేమార్లు వాని - చిక్కులలో పెట్టుదువే !

చాలు ! చాలులే ! చాలు ! చాలులే! ||

ఓర కంట నీ వైపుకు – స్వామి చూచినా

కోరకంపు పువు రేకులు – కాబోలని – తలచితినని

విరుపుగాను అంటావు – చాలు! చాలులే! ||

మందస్మిత వదనుడు – నిన్ను వీక్షించినా

"పందిరి చాందిని “ – అని, తలచినావటే!? అనుకున్నావటే!?

గంధపు పుప్పొడులు అలది – పతి అలకలు తీర్చవే!

సుందర మూర్తి చిరు కినుకలను తీర్చవే! ||

&&&&&&&&&&&&&&&&&&&&&&&&&&&&&&

Kovela

ఎటువంటి జాణవే! తోయజాక్షిరో!

( Padmavati Devi acts ' lovely angry '

at her husband " bhagavan sri venkatesa " .

By kadambari piduri, Jan 20 2010 12:27AM

పద్మావతి

సకల కళా భూషిత

కల వాణీ! పద్మావతి!

గైకొనుమా హారతి ||

సప్త గిరుల స్వామికి

అనురాగపు దేవేరివి

మీ ఇరువురి దర్శనముల

తరియింతురు భక్త కోటి ||

శరణు కోరి నీ దరిని

చేరిన శిశువులము తల్లి!

వత్సలను లాలించి

పాలించుట నీ ఫణితి ||

&&&&&&&&&&&&&&&&&&&&&&&

Kovela ; ( harati song for ' Goddess PADMAVATI ' )

పద్మావతి ;

By kadambari piduri, Feb 16 2010 3:39AM

వాలు చూపుల ఉయ్యాల

అలమేల్ మంగమ ప్రేమల

వాలు చూపుల ఉయ్యాల

ఊగుము స్వామీ! మనసారా! ||

కలువ తావుల పన్నీర్లు

చిలుకు వీక్షణము ప్రతి క్షణము

ఊగుము స్వామీ! మనసారా

కోమలి – క్రీ గంటి చూపుల ఉయ్యాల ||

పులుకు పులుకున చూచెదవు

మొలక నవ్వులను రువ్వెదవు

ఊయెల కవియే ముత్తెపు గొలుసులు

భామిని కులుకుల బహుమతులు ||

&&&&&&&&&&&&&&&&&&&&&&&&

Kovela ( Temple songs ) ;

వాలు చూపుల ఉయ్యాల

( Cradle of her looks ) ;;;;;;

By kadambari piduri, Mar 12 2010 8:53PM

నందనవన నవనీతం

ముద్ద బంతి ముద్దు బాల

గున గున వచ్చెను రాధ.

వెదురు తోపులో నుంచి

“ నీ కోసమె కన్నయ్యా!

తెస్తి చిన్ని రాగ మురళి. “

గిరి ధారి అందుకొనెను

మృదు వంశిని ;

అది కురిపించు ఆనంద రవళి!

బుల్లి ముద్దు , వెన్న ముద్ద

చిలికించిన వేణు రవం

అల్లదే వెలసినది

బృందావన నవనీతం

&&&&&&&&&&&&&&&&&&&&

నందనవన నవనీతం

By kadambari piduri, Mar 12 2010 8:43PM

కిల కిలలు

బృందావనిలో గోపీ క్రీడలు

నగల సవ్వడులు హొయలులు జల జలా !!!

ఒప్పుల కుప్పలు ఆడించే

మన - గోవిందుని సిగలో

పింఛము మిల మిలా !!!

జగన్నాటక సూత్ర ధారుని

పక పక నవ్వుల ఓలలాటలు

ముత్యపు మణుల రాసుల మిల మిలా !!!

ఈ వన్నెలన్నిటిని " అరువు"గ గైకొన(గా)

దిగి వచ్చిన వెన్నెల

యమునా - కెరటాల మిల మిలా!!!

దరిమిలా,,,,,

రాస క్రీడల హేలల జాలము

లెల్ల జగములకు పంచు తున్నవి

"వర ప్రసాదముల కిల కిలా " !

(అందరి నవ్వులు )

$$$$$$$$$$$$$$$$$$$$$$$$$$$$$

Baala

కిలకిలలు

By kadambari piduri, Dec 18 2009 7:40AM