యశోద కనుదోయి

నీ కన్న తల్లి యశోదమ్మ ముందరనా,
ఏమిన్ని మాయలు, నటనలూ, ఆటలూ
చిన్నారి క్రిష్ణయ్య! కితకితలు ఆపవూ!? ||

మిన్నులను తాకేటి విశ్వ రూపములను;
కన్నులకు బొమ్మగా కట్టించినావు;
చిన్ని క్రిష్ణయ్యా!
నా కన్నులు చిన్నవి, చింతాకు లంతవి,
అన్నన్ని చిత్రములు ఎటుల పట్టేను? ||

మిరుమిట్ల జిగినీలు, ఆయె నీ కనుదోయి;
వరముల బరువాయె- నీ సృష్టి విభ్రాంతి
పురి విప్పనీవోయి భువనముల అందాలు
తురుముకోకుండునా ఎవరి నయనాలైన!? ||
:

యశోద కనుదోయి (Forkids)
Published On Friday, October 21, 2011
By ADMIN. Under: పాటలు.  
రచన: కాదంబరి
: