హైలెస్సా పదాలతో అల్లుకున్న వేణు రవము

మిణుగురు పులుగులను

తన దోసిట్లో పట్టుకోవాలని

చూస్తూన్నాడు - "రేయి పురుషుడు ";

నింగికి మెలకువ వచ్చింది కాబోలును,

మెల మెల్లగా తెలి మంచు పరదాలను తొలగించుకుంటూ

ఉదయ కిరణాల వెంట్రుకలను సరి చేసుకుంటూ

నలు దిక్కులా కలయ జూస్తూ

బద్ధకాన్ని వదిలించుకుంటూ

ధరిత్రి కేసి వంగి చూసాడు;

భువన మనోహరత్వం

కావ్యత్వమై పులకిస్తూన్నది;

“హైలెస్సా! హైలెస్సా!” పదాలు

కొసరంచు ముగ్గులను చిత్రిస్తూ ఉన్నవి;

అల్లెక్కడి నుండో వస్తూన్న

మృదు నవ మురళీ రవళిని

గూటి పడవ - తన ఆంతరంగంలో రంగరించుకుంటూ

ముందుకు సాగుతూంటే .........

యమునా వాహిని

కృష్ణుని అల్లరల్లరి నాట్య లీలలను ;

నిన్న జరిగిన ఊసులను చెబుతూంటే;

ఆ ముచ్చట్లతో .........

'పైర గాలి ' వయ్యారాలు పోతూ

'కొంగ్రొత్త రంగ వల్లికలుగా 'ఆవిష్కారమౌతూన్న వేళలలో

రాధిక సోలిన కన్నుల వీక్షణాలు

వెలుతురు సరసులలో

పద్మాలై విరబూస్తున్నాయి.

( హైలెస్సా పదాలతో

అల్లుకున్న వేణు రవము )

&&&&&&&&&&&&&&&&&&

( hailessaa padaalatO

allukunna vENu ravamu )

miNuguru pulugulanu

tana dOsiTlO paTTukOvaalani

chUstUnnaaDu rEyi purushuDu;

niMgiki melakuva vachchiMdi kaabOlunu,

mela mellagaa teli maMchu paradaalanu tolagiMchukuMTU

udaya kiraNAla veMTrukalanu sari chEsukuMTU

nalu dikkulaa kalaya jUstU

baddhakaanni vadiliMchukuMTU

dharitri kEsi vaMgi chUsaaDu;

bhuvana manOharatvaM

kaavyatvamai pulakistUnnadi;

“hailessaa! hailessaa!” padaalu

kosaraMchu muggulanu chitristU unnavi;

allekkaDi nuMDO vastUnna

mRdu nava muraLI ravaLini

gUTi paDava tana aaMtaraMgaMlO raMgariMchukuMTU

muMduku saagutUMTE

yamunaa vaahini

kRshNuni allarallari naaTya lIlanu

ninna jarigina Usulanu chebutUMTE;

aa muchchaTlatO

paira gaali vayyaaraalu pOtU

koMgrotta raMga vallikalugaa aavishkaaramautUnna vELalalO

raadhika sOlina kannula vIkshaNAlu

veluturu sarasulalO

padmaalai virabUstunnaayi.

&&&&&&&&&&&&&&&&&&&&&&&&&&&