ప్రకృతి అంటే కొండంత ప్రీతి

;;;;;;

ఆకులు, అలములు - చెట్లు పుట్టలు

మన్నులు, మిన్ను - గోవులు, ప్రకృతి

అంటే నీకు కొండంత ప్రీతి గద! ఎందుకనీ? -

వింత లీలలు ఇన్ని ఏలరా?

నీల మోహనానంద నందనా! ||

వట పత్రములో తూగాడేవు;- పెను తరువుల నూగాడేవు;

వెదురు తోపులలొ తిరుగాడి - పిల్లన గ్రోవిని ఊదేవు

గాలి చెవులతో నీలాంబరము - తనివారా విని,పులకించేను

వైజయంతి మాలా లంకృత క్రిష్ణా! తులసీ దళ ధామా!- ||

వంశి నికుంజము - మల్లె పొదలదే - పూర్వ జన్మముల పుణ్యమురా!

నిరంతరము నీ ఆట పాటలను - ఆకు, పూవులే కన్నులయీ;

కమనీయముగా దర్శించును నిను! - సర్వ ప్రకృతికి చూపించేను

వైజయంతి మాలా లంకృత క్రిష్ణా! తులసీ దళ ధామా! ||