దండాలు అందుకో! శ్రీ తిరుమలేశా!

పారిజాత దళము శత కోట్లను ;

పరచి ఉంచిన కొండ దారులందు

భక్త కోటి సేయు అధిరోహణం

వే వేల దండాలు అందుకో స్వామి!

శ్రీ తిరుమలేశా!అభయ వర దాతా! ||

మేఘ రాసులలోన - వాన శిల్పాలను

వెలయింప జేయుట- నీదు వంతు!

అందుకే కద! నీవె మాకు తండ్రి

వే వేల దండాలు అందుకో స్వామి!

శ్రీ తిరుమలేశా!అభయ వర దాతా! ||

అందియల రవళులు - వర్ష ఋతు ధారలు

అంద చందాల చిరు నవులు - మా వంతు

వే వేల దండాలు అందుకో స్వామి!

శ్రీ తిరుమలేశా! అభయ వర దాతా! ||

నీ నుదుట తీర్చిన - నిలువు నామమ్ములు

వరుస కొండల మెట్లు - వేంకట నాయకా!

వే వేల దండాలు అందుకొను'మా' స్వామి!

శ్రీ తిరుమలేశా! అభయ వర దాతా! ||

$$$$$$$$$$$$$$$$$$$$$$$$$$$$$$$$$$$