Tuesday, November 16, 2010

పుప్పొడుల బాటలు



















మందార దండలను
బహు ప్రీతి ధరియించి
గంతులూ వేయుచూ
వచ్చు వాడెవ్వరే?

పుప్పొడులు దిట్టంగ
హత్తుకుని నవ్వేటి
బాటలకు తెలుసును
‘బాల కిట్టమ్మయే !’ అనీ ||

సిగలోని పింఛములు – సొగసుగా ఊగేను
నింగిలో చందురుడూ – నెమలి కన్నులలోకి
మురిపెముతొ వెన్నియల – గుమ్మరించేనమ్మ! ||

నంద నందన బాల - చరణ ద్వయి "పాళి" *
ఆనంద సుందర క్రీడ "విన్నూత్న బాణి"
నిరతము హసియించు ఉల్లాస జగతి
వ్రేపల్లె సీమకు నిర్వచనమొక్కటే!
ఆ నామమే "నిత్య పర్వంపు ఉగాది "

_______________________

(*=Nib)

No comments:

Post a Comment