తేనె కానుకలు

మబ్బు జలదరించింది

పుడమి పులకరించింది

ఆమని తలవంచింది;

ఏమని తలచిందంటే –

“పైరు పాపలెంతొంతో

ముద్దు లొలుకుతున్నారని ||

ఏటిలోన నీటి జాలు

గల గల ప్రవహించినది

తొలకరి మాటలను "హొయలు"+

పాటలుగా మార్చేసి,

ఏరు వీణ అయ్యింది

తారంగం నేర్చింది ||

ఒడలు విరుచుకుని “ ప్రొద్దు”

మొద్దు నిదుర వదిలింది

వెలుగు రేక భాషలోన

సుప్రభాత గీతికను

తియ తీయగ పాడింది

తేనె కాను‌క లిచ్చినది ||

#Baala

తేనె కానుకలు ;

By kadambari piduri,

Jul 3 2010 1:39AM