వెన్నెలల భమిడి పాత్రలు

నీ పిలుపు ధ్యానముగ - నీ నామమే తపసుగా

జిలుగు చూపులు ఆయె - రాధ, కన్నీటి చూపులు ||

స్నిగ్ధ తరళాక్షి రాధికా బాల

తన, అనురాగ దళములతొ -

పూల బాటలను పరిచేటి వేళ

వేణు రవళీ లోల! వేరు వివరములేల?

జాగు సేయుదువేల? - ఇది పాడి కాదురా! ||

శరదిందు వెన్నెలలు - భమిడి కొప్పెరలు

విరి చందమామ స్నానాలు సేయ

ఆ నింగి "అదనముగ సిరి కళలు ఇమ్మనుచూ”

నిను కోరుచున్నాది మరల మరల!

రోదసికి గగనము కన్న తల్లి కాన! ||

నగ ధారి కన్నులు కలువల జంట ;

నీ నగవు వైభవము - కేరింత సౌరభము

స్వామి కను దోయి ఇంపు సొంపుల పెంపు

విభుని ముచ్చటలన్ని – ఇతిహాస పెన్నిధులు ||

vennelala bhamiDi paatralu

______________________

nii pilupu dhyaanamuga - nI naamamE tapasugaa

jilugu chUpulu aaye - raadha, kanniiTi chuupulu ||

snigdha taraLAkshi rAdhikaa baala

tana, anuraaga daLamulato -

pUla baaTalanu parichETi vELa

vENu ravaLI lOla! vEru vivaramulEla?

jaagu sEyuduvEla? - idi paaDi kaaduraa! ||

SaradiMdu vennelalu - BamiDi kopperalu

viri chaMdamaama snaanaalu sEya

aa niMgi "adanamuga siri kaLalu immanuchuu”

ninu kOruchunnaadi marala marala!

rOdasiki gaganamu kanna talli kaana! ||

naga dhaari kannulu kaluvala jaMTa ;

nI nagavu vaiBavamu - kEriMta sauraBamu

svaami kanu dOyi iMpu soMpula peMpu

viBuni muchchaTalanni – itihaasa pennidhulu ||