గోవిందుని పట్టుకుందామే!
ఇట్టే పట్టుకుందామే! ||
~
మల్లెల పొదలలొ దాగునాడో?
పందిరి వేస్తాము;
పందిరి మీకు వేస్తాము;
మురళీ క్రిష్ణుని జాడలెక్కడో; దయతో కాస్త చెప్పండి;
ఓ మల్లియలారా! మాలతీ మాధవ సంపెంగల్లారా! ......
బృందా వనమున మీ నెలవులను,
బాగా భద్ర పరుస్తాము ఒట్టు! ||
~
కన్నెల నవ్వుల వెన్నెల కాంతుల
అరువుగ మీకు ఇస్తాము
చక్రధారి చిరు గురుతు వివరణలు
చక్ర వడ్డీలుగ ఇచ్చేయండీ!
మాకు చక్ర వడ్డీలుగ ఇచ్చేయండీ!
కనకాంబరములూ!మిము మాలలు అల్లీ,
శృంగార రాయునీ- గళమున ఉంచీ, అలంకరించీ ;
రాధాదేవి మమతలను మీకందిస్తాము ||
~
::::: ఓ యమునమ్మా!
మా,కన్నుల కలువల రేకుల శోభల ;
అరణముగా ఇచ్చేస్తాము
యమునా జలములదాగున్నాడో?
ఉప్పొంగే ఓ కెరటములారా!
స్వామీ స్పర్సలో మైమరచేరు!
అదనును చూసీ,
అనంత పద్మనాభుని జాడలు; బాగా చెప్పేసేయండీ ||
~
********************** ||
No comments:
Post a Comment