అవధి లేని ఆశ్చర్యములు ;;;;;;
'''''''''''''''''''''''
సాకినది యశోద మాత
తన ఒడియే 'మధుర 'గ
తన ఒడియే విశ్వ రోదసిగ
కదరా! కన్నా!
'''''''''''''''''''''''''''''''
2)నీ కంటికి కాటుక తీర్చిన వెనుక
తన వేలిని కనుగొని మురిసినది!
"నీలి కలువగా విరిసినదీ
ఈ నా అంగుళి!"
అనుచూ తలచి
పదే పదే
ఇరుగు పొరుగులకు చూపించీ.
''''''''''''''''''''''''''''''''''
3)నీ మేనుకు కస్తూరి పూసినంతనే
అఱ చేతులను"గుప్పు"గ ముడిచినది
రోదసిలోని గోళములన్నీ
తన అఱ చేతులలోనే కన్నది,కన్నా!
ఆ సంభ్రమాశ్చర్యమ్ముల నుండీ
మరల ఎప్పటికి
తేరుకొనునో ఏమో?!
మన లోకమునకు
వచ్చే దెపుడో.ఏమో?!!!!!!
''''''''''''''''''''''''''''
No comments:
Post a Comment