'''''''''''
వాసంతం వచ్చింది
కొండ కోన ఆకు,పూలు
అణువణువును ప్రేమ మీర
సుతి మెత్తగ నిమిరింది //
పొన్నాయి పూలివిగో!
పూల జడలు అల్లండి
కొబ్బరాకు ఈనెలు ఇవి
బుజ్జి బుట్టలల్లండి.
పచ్చనైన మామిడాకులు
బూరాలను చుట్టండి!
మామిడాకు పి ప్పి ప్పీ!
ఈలలు,బూరాలూ
ఇవి అన్నీ మీ కొరకే!
రా రండీ!వేగిరమే! బాలలూ!"
అని అంటూ పిలుస్తూంది వాసంతము //
పైరు గుబాళింపుల
బుజ బుజ బూజం బంతి !
గొబ్బెమ్మలు, రంగ వల్లి
చేయండీ! బొమ్మల పెళ్ళి!
పెళ్ళి విందు ఆటలు
సృష్టి కర్తకు కను విందులు,ఇంపులు!
,,,,,,,,,,,,,,,,,
No comments:
Post a Comment