శీతవెన్నెలను జమ చేసినది రాధమ్మ

తళ తళ లాడే పింఛములు ; పింఛాలెన్నో : 

జమ చేసినది మా రాధమ్మ ; వన మయూరితో : ||

;

ధగ ధగ శీతల చంద్రికలతోటి - మేలమాడుతూ : 

శీతవెన్నెలను తన కన్నుల భరిణల ; 

జమ చేసినది మా రాధమ్మ

అతి నిపుణతతో  - 

జమ చేసినది మా రాధమ్మ ; ||

;

మిల మిల జాబిలి నొడిసి పట్టుకుని ; 

తన దోసిలిలో పదిల పరచినది నీ కోసం ;

;

'ఇదిగో, క్రిష్ణా! వెన్న ముద్ద ' అని 

నీకు చూపుతూ, పిలుస్తున్నది కద, 

భలే కదా - తన నైపుణ్యాలు ; 

చూడవోయి ఇటు, నవనీత చోరుడా! ; || 

;