నా బుల్లి పడవదే భాగ్యము;
శ్రీ రాములోర్ని తన ఒడిని
నీలమణిగ చేకొన్నది
రాజహంస హొయలులు;
ఇంతలోనె పొందినదీ నా పడవ;
ఇంతలోనె అంత గీర చూపించును,
హమ్మభడవ! ||
తమ్ముడు లక్ష్మన్న తోడ;
పూబోణి సీతమ్మతోటి
ఎక్కినాడు రామన్న
ఎక్కినాడు నా పడవ ||
ఆవలి తీరం అపుడే చేరామా రామయ్యా!
నా పడవ బోసిపోయింది,
నా ఎడద గుల్ల వోయింది;
గంగమ్మ డిల్లవోయేను;
మరల నీవు; మరలి వచ్చునందాకా;
ఈ రేవునందు
మా చూపుల- పూ రేకులు హత్తుకునీ ఉంటాయి
ఇలాగేహత్తుకునీ ఉంటాయి
ఇలాగే ఇలాగే ఈలాగుననే!
No comments:
Post a Comment