వితరణము/మ్ముగ పుణ్య భావాలయమున
అతులిత కాంతులు వెదజల్లు ప్రమిదలుగ
సుస్థిరములాయేను అందరి మనములు*1
అవధి లేని ఆస్థి,స్వామి అనుగ్రహము ||
చెండు మల్లియలు, పారిజాతము పువులు
మెండుగా అల్లుదము కడు వేడుక
దండి సింగారములు తిరు వేంకటేశునికి
పండుగలు, సంబరము- లందరి కనులకు ||
ప్రపంచము అరచేతి పుష్పమ్ముగా-
లభియించెనీనాడు మన భాగ్యము
విపంచిగా లోకమున శాంతి సౌహార్ద్రములు
రవళించు శుభవేళ కాహ్వానము ||
*1 మనసులు
No comments:
Post a Comment