మంగమ్మ చూపులే రంగారు బంగారు

హంగు మీరగ రంగ వల్లికలు వేలాదిగా ;

వలయాలు,వలయాలుగా, వెలయు చున్నాయి ;

తెల్ల తామరల పూల కళ్ళున్న" అలమేలు ; 

మంగమ్మ " చూపులే ముగ్గులై విరిసాయి ;  || 

ఏడు కొండలె నిండు బంగారు చుక్కలు ;

ఆమె క్రీ గంటి చూపులె వల్లికల అల్లికలు ;

సతి వాలు చూపుల సొంపారు ముగ్గులే ;

ఏడు కొండల స్వామి ఎద తీపి గురుతులు ;  ||

కొండలకు దిగువన ఆమె కొలువున్నాది ;

శిఖరాల పైనేమొ స్వామి కొలువున్నాడు ;

ఈ ముగ్గుల "లో గుట్టు"- తన మనసులో "గుట్టు" ;

అమ్మనే అడుగుదాం! అంగనలారా! రండి! ;  || 

;

& 25, జనవరి 2009, ఆదివారం ; శ్రీ వేంకటేశుడు ,కోవెల (కసం) ;- 

("సప్తగిరి "; పత్రిక ); (జనవరి ,2009 పత్రిక లో ప్రచురణ) ; [ LINK ]

కోణమానిని blg