వ్రతము చేయు జానకి

శ్రీరామచంద్ర చరణాబ్జ పూజా వ్రతము 

                              చేయు జానకి ;  ||

మొగలి రేకు, మొల్లలు, మల్లెలు, సంపెంగలు - 

సురభిళ ఘుమఘుమల వ్రతములను ;

భక్తి, వినయములతోటి శ్రద్ధగా చేసినాయి ; 

           బహు శ్రద్ధగాను చేసినాయి ;  

శ్రీరామ పత్ని కుంతలముల ; 

        అవి తావులై విరబూసినవి ;  ||

భూమి పుత్రి సన్నిధిలో - 

       నోముల మయమాయెను ;

    సకలము - నోములమయమాయెను ...........,

;

"సౌమ్యతయే ఈ సీత- ఐనప్పుడు

ఇందేమి వింత ఉన్నదిలే!" - అని

సీతాపతి చిందించే చిరునగవుల 

శోభలతో నిఖిల సృష్టి విలసిల్లును ;  || 

;

; రామనిధి  ;