యమునకు హర్షము

నీలి యమున! ఏలనే?

ఆ బెంబేలు? ||

అదిగదిగో! ఆ పైన నీలాంబరము;

చుక్కలను నింపుకొనీ,

ఆ నింగి కెంత మిడిసిపాటు?!

ఔరా!ఏమి ఆ మిడిసిపాటు ..... ||

అంబరంపు గీర చూసి

బెంబేలు, బిత్తరలు! ;

వలదు లేవమ్మా

ఓ యమునా వాహినీ! ||

బాల క్రిష్ణయ్య తోటి భామినుల కేరింతలు,

ముద్దు ముద్దు ఆటలతో,నీ ఝరిలో తానాలు,

స్నానాల ;సందడులు ;

అరెరే! ఓ యమునమ్మా!

ఇంతలోనె నీకింతటి ఆనందం, ఆహ్లాదం ;

ఇంతింతని కొలువలేని చెప్ప లేని సమ్మోదం,

వామనుని రమ్మందువ?

త్రివిక్రమావతార మూర్తిగా కొలిచి చెప్ప గలడా

నీ దరహాసపు లతా నికుంజము కొలతలు?! ||