చక్రబంధమేసింది కొండగాలి

చక్రబంధమేసింది కొండగాలి,

భక్తులతో పోటీ పడి, ప్రదక్షిణముల||

నీరదముల చామర, వింజామరల నుండి

శ్రీకరముగ బయలుదేరి సుతారముగ

ఓరకంట గోవర్ధనగిరి పిలువ, వద్ద చేరి

లోయ, సొరంగాల నుండి దూరిదూరి||

యమునా జలములలో రాసలీల

మైమరపుల రమణీ కృష్ణుల చుట్టూ

వలయములౌ నీళ్ళ జేరి

మృదు గమనమ్ముల గమ్మత్తుగ||

మధురాపురి ఊసులను – వ్రేపల్లియ ముచ్చట్లను

కలబోసి, కలనేతల– అల్లి బిల్లి కబురులల్లి

కవుల మదిని సంచరిస్తు – హడావుడిగ||

&&&&&&&&&&&&&&&&&&&&&&

Kovela

చక్రబంధమేసింది కొండగాలి

By kadambari piduri, May 17 2010 3:50AM