వన మయూరి

Baala

గోడలపై నానుడులు

By kadambari piduri

చిన్నోడా!చిన్నోడా!సరదాగా రారండీ! పలక,బలపం పట్టి పుస్తకం చేత పట్టి పాఠశాల కెడదాము! // 1)అమ్మకు,అయ్యకు మనము ఇప్పుడే చెబుదాము వేలి ముద్రలను మాని చే వ్రాళ్ళను చేదమనీ! // 2)గుడి గోడలపై పాటల నిట్టే చదివేస్తాము లెక్కలు,సైన్సులు నేర్చి లోక జ్ఞానమలవడేను // 3)నోట్లు,అప్పు పత్రాలను వివరా లు తెలుసుకుంటారు ప్రపంచమ్ము చరిత్రలను బాగ తెలుసుకుంటారు ************************************************ Baala జీవనగమ్యం By kadambari piduri ఊగూ ఊగూ ఉయ్యాలా! ఉగ్గూ పాల జంపాలా! లాలీ లాలీ జో!(2) // రమ్యమైనదీ రామాయణము ఆదర్శ జీవన పథ గమ్య మది ! లోకమ్ముల ధన్య పరచు కాంతి "గది"గ నీదు మదిని సృజియించే భక్తి నిధి, ఇది // ఇతిహాసమ్ముల నెలవు పవిత్రతల కొలువు సన్మార్గముల నడిపే ధ్యేయమైన గురువు // ********************************************************* మయూరి అందాలు By kadambari piduri అంద చందాల నెమలి ఆట లెన్నొ ఆడింది పురి విప్పి సందడిగా నాట్యాలే చేసినది // నెమలి కనుల సోయగాలు ఆమని గీతాలకు ఆమోదపు పల్లవులను, అను పల్లవి,చరణాలను సమ కూర్చును ముచ్చటగా// చంద మామ వెన్నెలలు తోట పైకి జారాయి చెట్ల ఆకు సందులలో సన సన్నని నవ్వులుగా // ఉద్యానంలో జాడలు నింగిలోని తారకలు విప్పారిన నెమలి పురికి ఏ మాత్రం సాటి వచ్చు!?! // ********************************************************