పింఛము నృత్యము

-

-

-

-

(పల్లవి):

జోహారు శిఖిపించమౌళి!

జోహారు రసరమ్య గుణశాలి! వనమాలి!//

1)కలికి చూపులతోనే చెలులను కరగించి

కరకు చూపులతోనే అరులను జడిపించి

నయగార మొకకంట! జయవీర మొకకంట!

చిలకరించి చెలువుమించి నిలిచిన

శ్రీకర!నరవర! సిరిదొర //జోహారు//

2)నీ నాదలహరిలో నిదురించు భువనాలు

నీ నాట్యకేళిలో నినదించు గగనాలు

నిగమాలకే నీవు సిగబంతివైనావు

యుగయుగాల దివ్యలీల నెరసిన

అవతారమూర్తి! ఘనసార కీర్తి //జోహారు//

3)చకిత చకిత హరిణేక్షణా వదన

చంద్ర కాంతు లివిగో!

చలిత లలిత రమణీ చేలాంచల

చామరమ్ము లివిగో!

ఝళం ఝళిత సుర లలనా నూపుర

కలరవమ్ము లివిగో!

మధు;కర రవమ్ములివిగో !

మంగళ రవమ్ములివిగో !

దిగంతముల, అనంతముగ గుబాళించు

సుర నందన సుమమ్ము లివిగో! //

శ్రీ కృష్ణ విజయము"చలన చిత్రము లోని,ఈ పాటను సుశీల గాత్ర మాధుర్యములో ఆస్వాదించ వలసినదే!

హేమ మాలిని నాట్యము చేసిన ప్రత్యేకతను ఈ గీతిక సముపార్జించుకున్నది. పెండ్యాల సంగీత రచనకు భాష్యంగా నిలిచిన మరకత తేజము ఈ చిత్రీకరణ.