"చదువు"-
చల్లని వెలుగులవెదజల్లే దీపము
విద్య నేర్చుకొనుట
మన ఎల్లరి కర్తవ్యము ||
విద్య రత్న సోపానం
జ్ఞానం ఉన్నత గమ్యం
చదువు, శాంతి సారాంశం
ఆకళింపు చేసుకున్న
మనిషి జన్మ సార్ధకం
||అందుకనే మిత్రమా!
విద్య నేర్చుకొనుట
మన ఎల్లరి కర్తవ్యం ||
అక్షరమ్ములు
విజ్ఞాన ద్వార తోరణ మాలికలు;
అక్షరమ్ముక్కైనా
తెలియకున్న మనిషి బ్రతుకు
అస్తావ్యస్తం అగు-
ఆస్కారం మెండు కదా!
||అందుకనే మిత్రమా!
విద్య నేర్చుకొనుట
మన ఎల్లరి కర్తవ్యం ||అక్షరములు భావములకు
ఏర్పరచును ఆకారం
మంచి ఊసుల చదువు
శాంతి సౌభాగ్యముల నెలవు
||అందుకనే మిత్రమా!
విద్య నేర్చుకొనుట
మన ఎల్లరి కర్తవ్యం ||
(విద్య అనే దీపము /
విద్యా దీపము )
No comments:
Post a Comment