వేణువుతో వీణా ప్రజ్ఞ

రాగ భావములె సంగీత లహరులై

ఇహ పర జగతుల శాంత తన్మయ నిశ్రేణులుగా

వన మారుతముల ఇంపుగ పొదిగెను ||

భువన మోహిని రాధా దేవి

వాలు చూపుల వీణా తంత్రుల

సవరించేవారెవ్వరే?

"మువ్వల మురిపెపు

ముద్దుల క్రిష్ణుడు,ఓయమ్మా!"

వైణికుడెపుడిటులాయేనో?! ||

వల్మీకములో ఆది శేషుడై

కన్నని ఉరమున దవన మాలలో

చిక్కిన వాల్జడ తోచు చున్నది;

దవ్వుల జనులు

పరుగున పరుగున వచ్చేరా?

"మన భ్రమ ఇది"అని నవ్వేరా!!!! ||

చంద్ర పూర్ణిమా నందన వనములలో

తకిట తకిట తై, తథ్థై ఆటలు

చక చక సాగగ, అవి నాట్యమ్ములు;

సకల వసుంధర ఓం కారమ్మై ||

****************************

vENuvutO vINA praj~na

_____________________

raaga bhaavamule saMgIta laharulai

iha para jagatula SAMta tanmaya niSrENulugaa

vana maarutamula iMpuga podigenu ||

Buvana mOhini raadhaa dEvi

vaalu chUpula vINA taMtrula

savariMchEvaarevvarE?

"muvvala muripepu

muddula krishNuDu,Oyammaa!"

vaiNikuDepuDiTulaayEnO?! ||

valmIkamulO aadi SEshuDai

kannani uramuna davana maalalO

chikkina vaaljaDa tOchu chunnadi;

davvula janulu

paruguna paruguna vachchErA?

"mana Brama idi"ani navvErA!!!! ||

chaMdra pUrNimaa naMdana vanamulalO

takiTa takiTa tai, taththai aaTalu

chaka chaka saagaga, avi naaTyammulu;

sakala vasuMdhara OM kaarammai ||