ప్రభాత లావణ్యం

&&&&&&&&&&&&&&&&&&&&&&&&&&&&

ప్రాగ్ దిశ

ప్రభాకర కిరణాళి కొసలలో

మేఘ మాలికలు –

సృష్టిని చిత్రిస్తూన్న

కుంచె (brush) ల్లాగా ;

ఇప్పుడే వర వీణను

సవరించింది కాబోలును శారదాంబ ;

విహగాళి కిల కిలారావాలతో - కు

ప్రకృతి తంత్రీ సమూహాలు

తమ ఒడలు విరుచుకుని

స్వాగత వేదికలౌతున్నాయి;

"బ్రాహ్మీ ముహూర్త నిశ్శబ్దాన్ని"

'నిశి రాతిరి జడ కొసలకు' రిబ్బను ముడిగా వేసి,

వీడ్కోలు చెబ్తూన్నది ఉషా రాణి.

తమో యవనిక వెనకాతల

ముడుచుకు కూర్చుని

బద్ధకంగా కునుకులు తీస్తూన్న

ఛాయలు నవ్యోత్సాహంతో తటాలున లేచి నిల బడ్డాయి;

ప్రతి వస్తువుకూ,

ప్రతి చైతన్యానికీ

ఆ నీడలు

తామే – ప్రతిమలుగా మారుతూ

సకల లోకాలనూ

ఒకటే బులిపిస్తూన్నాయి;

సౌందర్య వాహినీ వేగాలు

నిరంతరమూ

నిత్య విలాస స్నానాలు చేస్తూనే ఉన్నాయి.

$$$$$$$$$$$$$$$$$$$$$$$$$$$$$

prabhaata laavaNyaM :

_________________

praag diSa

praBAkara kiraNALi kosalalO

mEGa maalikalu –

sRshTini chitristuunna

kuMche (brush) llaagaa ;

ippuDE vara vINanu savariMchiMdi kaabOlunu

SAradaaMba ;

vihagALi kila kilaaraavaalatO - ku

prakRti taMtrI samUhaalu

tama oDalu viruchukuni

svaagata vEdikalautunnaayi;

brAhmI muhuurta niSSabdaanni

niSi raatiri jaDa kosalaku ribbanu muDigaa vEsi,

vIDkOlu chebtuunnadi ushaa raaNi.

tamO yavanika venakaatala

muDuchuku kUrchuni

baddhakaMgaa kunukulu tIstuunna

CAyalu navyOtsaahaMtO taTAluna lEchi nila baDDAyi;

prati vastuvukuu,

prati chaitanyaanikii

aa nIDalu

taamE – pratimalugaa maarutU

sakala lOkaalanuu

okaTE bulipistuunnaayi;

sauMdarya vaahinI vEgaalu

niraMtaramuu

nitya vilaasa snaanaalu chEstUnE unnaayi.

&&&&&&&&&&&&&&&&&&&&&&&&&&&&&

Selayeru

ప్రభాత లావణ్యం

By kadambari piduri, Apr 20 2010 2:16AM

Share|