తులా దండము

చంద మామయ్యకు
తల నొప్పి వచ్చింది
పిల్లా! లచ్చీ! //

ఆమె:
"ఎందుకని ఆ తంటా?
తలకు మించిన బరువు
లేమి మోస్తున్నాడంట?"

అతను:
మిన్నులో చేరాయి మినుకు మినుకుల
మిణుగురుల చుక్కల్లు!

"మేలైన అందాలు మాలోన ఎవరివని?"
చంద మామయ్యను నిలదీసి అడిగాయి.

ఆమె:
ఎల్లాగ తీర్చాడు,ఆ తగవును?
తీర్పరిగ ఉంటేను తంటాలు గద,పాపం?

అతను:
"జాబిలిని చూసీ,తెగ జాలి పడుతూను
చల్ల గాలి వాడు
తయ్యారు చేసాడు నాణెమగు తర్రాజు!"

ఆమె:
ఎట్టెట్టా ఆ?
ఎట్లాగ? దొరికింది ఆ తరాజు?
maavaa! ఓ మావ?"

అతను:
లచ్చి!నీ బంగారు చూపు వెన్నెలను దూసి
మంచి త్రాసును చేసీ ఇచ్చినాడు,పిల్ల!
వెన్నెలల రాయనికి తిప్పలు తగ్గాయి!