Wednesday, August 1, 2018

గోరు మీద వెన్నముద్దలు

గోపాల బాలుడు - బృందావన సంచారి
మురళీ ధరుడు, మురిపాల క్రిష్ణుడు;
మన పాలి దేవుడు ||
;
గోరు ముద్దలన్నిటినీ మెసవుచుండును;
కూర్మి- యశోదమ్మ గారాలపట్టి వీడేను!
మాకెల్లపుడూ వీని ధ్యాస, వీడము ఈ ధ్యానము ||
;
గోటి మీద కొండనే నిలిపి ఉంచినాడు;
గోటి కింద పెద్ద పాము నణచినాడు గదటమ్మా!
సాటిలేని మేటి, అసాధ్యుడంటె వీడేను ;
మాకెల్లపుడూ వీని ధ్యాస, వీడము ఈ ధ్యానము ||
;
గోరు మీద వెన్నముద్ద చాలంటాడు;
సంగోరు భాగమీవే -
నవనీతమింత చాలు, ఇవ్వమంటూను 
రాధను బులిపించును ;
గోపాలబాలుడు గోవిందుడు పురుషోత్తముడు ;
మాకెల్లపుడూ వీని ధ్యాస, వీడము ఈ ధ్యానము ||

No comments:

Post a Comment