మేలిముసుగు సుందరి

మేలిముసుగులోనికి ; 
ఎనలేని సౌందర్యము ; 
పోతపోసినారెవ్వరో!?||
  ఎవ్వరే అందాలరాశి? 
  ఎవరే? ఇంకెవరే? – 
     || ఇంకెవరు ఔతారు, 
       ఆమె మా రాధమ్మ!||

        నీల నీలి యమునా వాహినిలో
  నల్లా నల్లని నీట సాగేను పడవ; 


  హైలెస్స ఎత్తుగా తెరచాప - 
        ఆ అవస్తారముల; 
          వెనుక నిలబడి; 
                 తొంగిచూచునది ఎవరమ్మా? 
     || ఇంకెవరు ఔతారు, 
       ఆమె మా రాధమ్మ!||

        ఎవ్వరే లావణ్య వారాశి? 
             ఎవ్వరే ఆ అందాలరాశి? 
  అట ఎవరమ్మా? 
            ఏమి ఆ వివరము? 
        || ఇంకెవరు ఔతారు, 
                ఆమె మా రాధమ్మ!||

  మెరుపులను మోసేటి మేఘముల పోలిక;
  పరదాలు అందాలరాశి మూటలాయేను; 
              కరదీపిక వేరుగా; కావాలా ఏమిటి?
              ఆ నిండుచందమామను 
                   మన కన్నుల నింపుకొనగ! || 

****************************************

    Total Pageviews  ; Sparkline 32,260