నీలముపై పగడం

మౌళి పింఛము వాని పెదవుల

భావగర్భిత మంద హాసము

ఇంద్రనీలము మేని ఛాయల

ఒదిగినట్టి పగడ మెవరే???

ఆ మణి ప్రవాళ మెవరే?? ||

(చెలులు):::

“ ఇంకెవ్వరమ్మా! రాధిక !

మన రాధిక! " ||

ప్రణయ దృక్కులు జతలు జతలుగ

అల్లుకున్న తోరణమ్ములు

కెంపు, నీలము కన్నయ్య, రాధిక

ఇంపు పెంపుల రాగ మాలిక ||

కళా సీమలకీ జోడీ

సరిగ పోగుల చాందినీ

సకల హర్షామోద ద్యుతి తతి

స్వర్ణ కానుకలీ పుడమి తల్లికి ||

&&&&&&&&&&&&&&&&&&&&&&&&&

&&&&&&&&&&&&&&&&&&&&&&&&&

Kovela

నీలముపై పగడం ;

By kadambari piduri, May 28 2010 8:40PM