ఎన్నెన్నో పిట్టలు!

~1)మామిడి కొమ్మల కోయిలమ్మ

కమ్మ కమ్మని పాట లెన్నెన్నొ పాడేను

సంపెంగ గుత్తులలో వయ్యారి నెమలి

హొయలు లొలుకుచు సొగసు నాట్యాలు ఆడేను

2)చేమంతి, మందార,పారిజాతాలలో

'సీత కోక చిలకమ్మలు!

3)జామ చెట్లల్లోన

రామ చిలకల్లు ,

బాదాము తరువులలో

ఉడుత పిల్లల్లు

ధాన్యాల కంకులపై

కిచ కిచల పిచ్చుకలు

క్షేత్రాల మడుగులలొ

కొంగల జపములు

4)మైనాలు, గోర్వంక , పాలపిట్టలు

గిజిగాడి గూడులు అందాల నేతలు!

బాతుల హొయలు

హంసలకు గురువులు!

~5)నెహ్రూ చాచాకు ప్రీతి
"శాంతి పావురములు"

పిట్టల్ని తిలకించి,

కట్టారు బాలలు

"గుజ్జన గూడులు":

చేసారు అందరూ

కేరింత నాట్యాలు.

ఆబాల గోపాలమున ఇంత సందడిని

వీక్షించ "కృష్ణుడు" ఈ భువి నవతరించేను!

(By kadambari piduri )