తోటలో పసందైన విందులు

నిక్కులేల గౌరమ్మా! టెక్కులేల చంద్రమ్మా! 
పిక్నిక్కు, విహారాల విందు చేద్దాము; 
వనభోజన వేడుకలు భలే భలే పసందులు || 

తులారాశి ప్రభాకరా!
కార్తీకం ఆగమనం!
వనభోజన విందులు; 
భలే పసందులు!   || 

తులారాశిలోన; సమతౌల్యతగాను; 
ఆదిత్యుని రాక; అందమైనది;
కార్తీకము శీతలము; మది మదికీ ఉల్లాసము: 
శోభావహము; శోభనీయము, శోభన  పర్వం|| 

వెలిగించిన దివ్వెలకు; హుందాతనము; 
ఆకాశదీపములై వెలుగులొసగును;  
కార్తీకము శీతలము; మది మదికీ ఉల్లాసము: 
శోభావహము; శోభనీయము, శోభన  పర్వం ||

********************************, 

 Hare krishna! krishna! krishna!