కళ్ళకు కాటుక,సొట్ట - బుగ్గన దిష్టి చుక్క :
అర చేతుల, అరికాళ్ళకు ఎర్రగా గోరింట
పెట్టుకుని చిన్నారులు గంతులేస్తు వచ్చారు;
చెంగనాలు గంతులేస్తు వచ్చారు ||
బుట్ట చేతుల గౌను, పట్టు జరీ పావడా ;
కంకణాలు, ఉంగరాలు, వంకీలు, హారాలు
నడుస్తూ - నిటు బాలలు వచ్చినారు:
హంస- నడకలతో వచ్చినారు ||
లోలాకులు, జుంకీలు, చెంప సరాలు,
దుద్దులు : రవల పాపిట బిళ్ళ :
నెన్నుదుటను తిలకములతొ :
బుజ్జాయిలు వచ్చినారు :
పరుగు తీస్తు వచ్చినారు ||
జడ బిళ్ళలు, జడ కుచ్చులు:
మొగలి రేకు పూల జడలు; సరిగంచుల వోణీలు :
చెమ్కీల మేలిముసుగు:
హుందాగా వచ్చినారు:
ఆబాల గోపాలము మెచ్చు తెలుగు పిల్లలు ||
;
8 Mutts;Car Street |
;
సంక్రాంతీ పౌష్య లక్ష్మి :-
అది తీయని స్వప్నము;
నిన్నటి, మొన్నటి కల:
ఓ లచ్చీ గుమ్మడీ!
దశాబ్దమును చెవి పట్టుకు
ఇటు లాక్కుని రావాలి!
తేట తెనుగు సొగసులను
మరల మనము తేవాలి
ఓ ముద్దుగుమ్మ!
తేట తెనుగు పలుకులలో
చక్కనైన వేష భాష- లను
మళ్ళీ - పండుగ వేళల-
మురిపెంగా అనుసరింతుమందరమూ
పౌష్య లక్ష్మి గుండెలలో సౌరభాల గుబాళింపు !
అప్పుడే అది నిజమైన నిక్కమైన
రంగోలీ సంక్రాంతి
అమ్మణ్ణీ! ఔనౌను,
అప్పుడే అది నిజమైన నిక్కమైన -
రంగోలీ సంక్రాంతి ||
( చెమ్కీల పాట భళిర!భళిర! /
నిక్కమైన సంక్రాంతి శోభలు: By:- kadambari )
photo link : manasa. blaag
